Төрөх эмнэлэгт памперс бэлэглэлээ...

Сорхун эх нярайн сувилахуйн төвөөс гурван амаржих газарт нярайн живх бэлэглэлээ:

Сорхун эх, нярайн сувилахуйн төвийн хамт олон Өргөө, Амгалан, Хүрээ амаржих газруудад зочилж, бяцхан үрсийн өдөр тутмын асаргаанд зориулан нярайн живх бэлэглэлээ. Энэхүү үйл ажиллагаагаар дамжуулан шинэхэн ээжүүд, нярай хүүхдүүдэд сэтгэлийн дэм хүргэж, тэдний хэрэгцээнд бага ч болов хувь нэмэр оруулахыг зорьсон юм.

Хүүхэд мэндлэх мөчөөс гэр бүлд баяр хөөртэй зэрэгцэн шинэ хэрэгцээ, олон өөрчлөлт бий болдог. Энэ үед хүргэсэн энгийн боловч хэрэгцээтэй бэлэг нь “Та бүхний дэргэд анхаарал халамж тавих хүмүүс бий” гэсэн дулаан сэтгэлийн илэрхийлэл билээ.

Ээж, нярайн асаргаа сувилгааны чиглэлээр ажилладаг Сорхун төвийн хувьд бяцхан үрсийн тав тух, ээжүүдийн амралт, тайван байдал өдөр тутмын ажлынх нь гол анхаарал байдаг. Тиймээс энэ удаагийн бэлгийг ч нярайн өдөр тутам хэрэглэдэг живхээр сонгон, амаржих газруудад хүргэлээ.
Энэхүү үйл ажиллагаа нь эх, нярайн төлөө ажиллаж буй эмч, сувилагч, эмнэлгийн ажилтнуудын хөдөлмөрт талархал илэрхийлэх нэгэн боломж байв. Шинэ амьдралыг угтан авч, ээж, үрсийг өдөр бүр анхааран халамжилдаг нийт хамт олонд Сорхун төвийн зүгээс талархал дэвшүүлж байна.

Бидний хүргэсэн бэлэг бяцхан үрсийн хэрэгцээнд дэм болж, шинэхэн ээжүүдэд халуун дулаан мэдрэмж төрүүлнэ гэдэгт найдаж байна. Ээж бүр тэнхээтэй, энхрий үрс нь эрүүл энх өсөж, гэр бүл бүрийн амьдралд инээд хөөр дүүрэн байх болтугай.

Бяцхан үрсдээ бидний сэтгэл шингэсэн бэлэг